ក្រសួងធនធានទឹក និងឧតុនិយម«យោងតាមការព្យាករណ៍អាកាសធាតុនៅកម្ពុជានឹងចុះត្រជាក់ម្តងទៀត នាថ្ងៃទី០៧-០៩ ខែកុម្ភៈ ឆ្នាំ ២០១៦»
05-February-2016 | ដោយ មែន កំសត់
ភ្នំពេញ៖ លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម បានប្រាប់ឲ្យដឹងថា នៅរសៀលថ្ងៃទី០៣ ខែកុម្ភៈ ឆ្នាំ២០១៦នេះថា យោងតាមការព្យាករណ៍អាកាសធាតុនៅកម្ពុជានឹងចុះត្រជាក់ម្តងទៀត នាថ្ងៃទី០៧-០៩ ខែកុម្ភៈ ឆ្នាំ ២០១៦ ។
បណ្តាខេត្តដែលចុះត្រជាក់រួមមាន៖
- ខេត្តមណ្ឌលគិរី រតនគិរី ព្រះវិហារ ឧត្តរមានជ័យ និងខេត្តបន្ទាយមានជ័យ៖ សីតុណ្ហភាពអប្បបរមា នឹងធ្លាក់ចុះមកនៅក្នុងរង្វង់ពី ១៥-១៧ អង្សាសេ ។
- ខេត្តស្ទឹងត្រែង បាត់ដំបង ប៉ៃលិន និងខេត្តសៀមរាប៖ សីតុណ្ហភាពអប្បបរមា នឹងធ្លាក់ចុះមកនៅក្នុងរង្វង់ពី ១៧-១៩ អង្សាសេ ។
លោក ចាន់ យុត្ថា បន្តថា ការចុះត្រជាក់នេះក៏មានលាយឡំជាមួយនឹង ការធ្លាក់ខ្យល់ផងដែរ ។
ពាក់ព័ន្ធនឹងការចុះត្រជាក់ និងការធ្លាក់ខ្យល់នាពេលខាងមុខនេះ លោក ចាន់ យុត្ថា បានអំពាវនាវដល់បងប្អូនប្រជាពលរដ្ឋ សូមបង្កើនការយកចិត្តទុកដាក់លើបញ្ហាសុខភាព ពិសេសចំពោះមនុស្សចាស់ និងកុមារ ៕
ចំនួនអ្នកទស្សនា
- ថ្ងៃនេះ14511
- ម្សិលមិញ11441
- សប្តាហ៍នេះ44341
- ខែនេះ159491
- ឆ្នាំនេះ159491
- សរុប20601947